ពិតជាគួរសង្វេកពិតមែន! ប្តីស្លាប់ចោលប្រពន្ធនិងកូនបួននាក់ ព្រោះជីវិតក្រទៅរកត្រីបែរជាស្លាប់ទៅវិញ

ករណីលង់ទឹក៖ ពិតជាគួរសង្វេកពិតមែន ប្តីស្លាប់ចោលប្រពន្ធនិងកូនធំបីនាក់ កូនតូចទើបបានប៉ុន្មានខែម្នាក់ ព្រោះជីវិតក្រទៅរកត្រីបែរជាស្លាប់ទៅវិញ ល្ងាចថ្ងៃទី 22 ខែតុលាឆ្នាំ 2022។

ដោយសារតែជីវភាពខ្វះខាតប្ដីប្រពន្ធនិងកូនបានទៅរកត្រីនៅក្នុងអូរមួយកន្លែងតាមផ្លូវជាតិលេខ 21 ទួលក្រសាំងមុខទីស្នាក់ការគណបក្សប្រជាជនខេត្តកណ្ដាល ជាអកុសលប្ដីកំពុងដោះត្រីចេញពីម៉ងក៏បានធ្លាក់ចូលក្នុងអន្លុងជ្រៅប្រពន្ធឃើញប្តីលង់ទឹកក៏បានស្រវេស្រវាចាប់ទាញអាវប៉ុន្តែជួយមិនបានជាអកុសលប្ដីត្រូវបានស្លាប់មុនពេលបញ្ជូនមកកាន់មន្ទីរពេទ្យជ័យជំនះ។

បច្ចុប្បន្នសពត្រូវបានខាងមន្ទីរពេទ្យជ័យជំនះបញ្ជូនទៅឲ្យសាច់ញាតិនៅជិតវត្តទួលក្រសាំងដើម្បីធ្វើបុណ្យតាមប្រពៃណី ៕