ទទួលគាំទ្រនិងសរសើរពីមហាជន សម្រាប់ការបង្ហាញខ្លួននិងប្រកាសសមាភាពទាំំង២៥ខេត្តក្រុង MISS GRAND CAMBODIA 2023

ភ្នំពេញ៖ កាលល្ងាចថ្ងៃទី២១ ខែឧសភា ឆ្នាំ២០២៣ កម្មវិធីការប្រកួតបវរកញ្ញាលំដាប់ជួរមុខរបស់កម្ពុជា MISS GRAND CAMBODIA បានចាប់ផ្តើមដំណើរកម្មវិធីរបស់ខ្លួនដោយរៀបចំនៅសណ្ឋាគារ SUN & MOON, Riverside Hotel យ៉ាងល្អនូវពិធីប្រកាសបេក្ខភាពទាំំង២៥ខេត្តក្រុងនៃកម្ពុជា ក្រោយបានជ្រើសរើសជម្រុះអ្នកបានដាក់ចាប់តាំងពីដើមឆ្នាំមក។

គ្រាន់តែកម្មវិធីប្រកាសបេក្ខភាព២៥រូបតំណាងខេត្តក្រុងកម្ពុជា ត្រឹមតែរៀបចំលក្ខណៈតូចប៉ុណ្ណោះ ប៉ុន្តែបែរជាត្រូវបានមហាជននិអ្នកគាំទ្រវាយតម្លៃយ៉ាងខ្ពស់ និងដាក់ពិន្ទុថា ល្អ ល្អមែនទែន ស្ទើរតែខុសពីរាល់ដង។ ទម្រង់ការរៀបចំបេក្ខភាពចូលមកបង្ហាញភាព ក៏ល្អ ហើយបេក្ខភាពនីមួយៗ ឆ្នាំនេះបានឡើងថ្លែងពាក្យស្លោក ប្រចាំខេត្តតំណាងនីមួយៗរបស់ខ្លួន ធ្វើឱ្យមហាជនស្ទើរទូរទាំងប្រទេសកម្ពុជា ពេញចិត្តយ៉ាងខ្លាំង។

1. តំណាងខេត្តកំពង់ធំ កញ្ញា ស៊ូ ស្រីនីត
2. តំណាងខេត្តសៀមរាប កញ្ញា លី ពេជ្រពិសី
3. តំណាងខេត្តកណ្តាល កញ្ញា អូ ដាវី
4. តំណាងខេត្តកំពង់ចាម កញ្ញា ធី គន្ធា
5. តំណាងខេត្តកំពង់ឆ្នាំង កញ្ញា ផាត ស្រីនុន
6. តំណាងខេត្តកំពង់ស្ពឺ កញ្ញា ទូច វរលក្ខណ៍
7. តំណាងខេត្តកំពត កញ្ញា កែវ ស្រីលីន
8. តំណាងខេត្តកែប កញ្ញា សាន់ កេសី
9. តំណាងខេត្តក្រចេះ កញ្ញា កុយ អេនណា
10. តំណាងខេត្តកោះកុង កញ្ញា គង់ នីកាអ៊ីនថង
11. តំណាងខេត្តតាកែវ កញ្ញា ហេង កនិកា
12. តំណាងខេត្តត្បូងឃ្មុំ កញ្ញា ប៊ុន លក្ខិណា
13. តំណាងថខេត្តប៉ៃលិន កញ្ញា អ៊ិន លក្ខិណា
14. តំណាងខេត្តបន្ទាយមានជ័យ កញ្ញា វ៉ាត ចិន្តា
15. តំណាងខេត្តបាត់ដំបង កញ្ញា ហេង កូស៊ីន
16. តំណាងខេត្តពោធិ៍សាត់ កញ្ញា អ៊ី គីសួរ
17. តំណាងខេត្តព្រៃវែង កញ្ញា ដន ស្រីដែត
18. តំណាងខេត្តព្រះសីហនុ កញ្ញា ម៉ែន ណងនិត
19. តំណាងខេត្តព្រះវិហារ កញ្ញា ម៉ៅ ប៊ុនសក្ខ័រង្សី
20. តំណាងរាជធានីភ្នំពេញ កញ្ញា ភីម ស្រីនោ
21. តំណាងខេត្តមណ្ឌលគីរី កញ្ញា រិទ្ធី សុមនាមរកត
22. តំណាងខេត្តរតនគិរី កញ្ញា ភីម សុខឡេង
23. តំណាងខេត្តស្វាយរៀង កញ្ញា ប៉ោ លីនណា
24. តំណាងខេត្តស្ទឹងត្រែង កញ្ញា ម៉ូវ សុផាន់
25. តំណាងខេត្តឧត្តរមានជ័យ កញ្ញា លេន អាលីហ្សា

អ្នកនាង អ៊ឹម សុគន្ធា នាយកប្រតិបត្តិនៃគណៈកម្មរៀបចំបវរកម្ពុជាដ៏អស្ចារ្យ MISS GRAND CAMBODA 2023 បានថ្លែងឱ្យដឹងថា MISS GRAND CAMBODIA ឆ្នាំនេះនឹងរៀបចំឱ្យដូចអ្វីតាមការសន្យាគឺ ប្លែក ថ្មី និង អស្ចារ្យ ខុសពីឆ្នាំធម្មតារាល់ៗ ដើម្បីធ្វើឱ្យបវរកញ្ញាកម្ពុជាយើងមានភាពរីកចម្រើន ជាពិសេសកក្រើកដល់ពិភពលោក។

អ្នកគាំទ្រនិងមហាជនដែលតាមដានលើបណ្តាញសង្គមបាននាំសរសើរថា គ្រាន់តែកម្មវិធីដំបូងប៉ុណ្ណឹងសោះ គឺល្អនិងគួរចាប់អារម្មណ៍ទៅហើយ ចុះទម្រាំង ដល់កម្មវិធីប្រកួតមែនទែននោះ ថាតើថា ល្អប៉ុណ្ណាទៅ? អ្វីដែលកកត់ស្គាល់នោះ បេក្ខភាពនីមួយៗ ត្រូវបានរៀបចំខ្លួនបង្ហាញសមភាពនិងមុខមាត់របស់ខ្លួនតំណាងខេត្ត ស្រស់ស្អាតហើយថ្លៃថ្នូរណាស់ ។ ឆ្នាំនេះ MISS GRAND CAMBODA 2023 មិនបានធ្វើឱ្យអ្នកគាំទ្រខកចិត្តខកបំណងឡើយ គឺទទួលបានពាក្យថា ថ្មី និង ប្លែកភ្នែក ក្រោមពាក្យស្លោកថា “ខ្មែរស្រស់ស្អាត ពូជថ្លៃថ្នូរ”៕