ស្រ្តីទើបសម្រាលកូន ទាមទារមន្ទីរពហុព្យាបាលនិងសម្ភពអង្គរធំ ដោះស្រាយបញ្ហាវះកាត់យកកូនបង្កឱ្យទារកមិនស្រួលហើយបញ្ចូនទារកទៅមន្ទីរពេទ្យកុមារជាតិបន្ត ដោយខ្វះបច្ចេកទេសដឹកតាមកង់បី គ្មានបំពាក់អុកស៊ីសែនត្រឹមត្រូវឡើយ

មន្ទីរពហុព្យាបាល និងសម្ភពអង្គរធំ បានសម្រាលបុត្រឲ្យស្ត្រីម្នាក់ដោយការវះកាត់ ប៉ុន្តែស្ថានភាពមិនស្រួល ក៏បានបញ្ចូនទារកទៅមន្ទីរពេទ្យកុមារជាតិបន្ត ដោយខ្វះបច្ចេកទេសដឹកតាមកង់បី គ្មានបំពាក់អុកស៊ីសែនត្រឹមត្រូវឡើយ។

ជុំវិញករណីនេះ ក្រុមគ្រួសារស្ត្រីរងគ្រោះបានទាមទារឲ្យមន្ទីរពហុព្យាបាល និងសម្ភពអង្គរធំ ចេញមុខទទួលខុសត្រូវ ដោយកំពុងរង់ចាំនៅមុខមន្ទីរពេទ្យអង្គរធំ ដើម្បីទាមទាររកយុត្តិធម៌ជូនកូនរបស់ពួកគាត់។

ចំណែកទារករងគ្រោះ កំពុងសង្គ្រោះបន្ទាន់នៅមន្ទីរពេទ្យកុមារជាតិ ដោយយកចិត្តទុកដាក់បំផុតពីក្រុមគ្រូពេទ្យ ហើយចំណែកម្តាយក្រោយវះកាត់នៅបន្តសម្រាកនៅមន្ទីរពេទ្យអង្គរធំនៅឡើយ៕