សិល្បៈគំនួសលើជញ្ជាំងក្នុងទីក្រុងភ្នំពេញជាសារបង្ហាញអំពីសម្រស់និងវប្បធម៌របស់ប្រទេសកម្ពុជា

ការតាំងពិព័រណ៍សិល្បៈ និង ការបង្ហាញសិល្បះគំនូរលើជញ្ជាំង នៅទីក្រុងភ្នំពេញ ប្រទេសកម្ពុជា គឺដើម្បីបំផុសគំនិតយុវជនកម្ពុជា ឱ្យបញ្ចេញមតិតាមរយៈសិល្បៈ និង ផ្សព្វផ្សាយវប្បធម៌ដ៏ល្អផូរផង់របស់ប្រទេសខ្លួន។ លោក កក្កដា យី ដែលជាវិចិត្រករវ័យក្មេងកម្ពុជា មានមោទនភាព ដែលផ្ទាំងគំនូរសិល្បៈរបស់លោក ត្រូវបានគូសនៅលើជញ្ជាំង នៅ Factory Phnom Penh ។

លោក កក្កដា យី បានបង្ហាញអំពីអ្វីដែលជាខ្លួនលោក តាមរយៈសិល្បៈគំនូសនេះ មិនតែប៉ុណ្ណោះ គំនូសរបស់លោកក៏បានបង្ហាញអំពីសម្រស់កម្ពុជា ព្រមទាំងធនធានធម្មជាតិ របស់ប្រទេសកម្ពុជាផងដែរ។ តាមរយះគំនូរលើជញ្ជាំងដ៏អស្ចារ្យ វិចិត្រករវ័យក្មេងរូបនេះ ក៏បានបង្ហាញពីសម័យកាលខុសៗគ្នាដោយមានតាំងពីសម័យបុរាណរហូតមកដល់សម័យបច្ចុប្បន្ន។