ភ្នំពេញ៖ សម្រាប់ឆ្នាំនេះ ពិតជារៀងប្លែកមិនថាការរៀបចំការប្រកួត, មគុដជ័យលាភី ឡើយសូម្បីបេក្ខភាពមកប្រឡង បវរកញ្ញាMiss Universe Cambodia 2022 ក៏សុទ្ធតែមានអ្នកខ្លាំងៗច្រើនដែរ រហូតថ្មីៗ គឺបែកធ្លាយផ្អើលពេញបណ្តាញសង្គមទាំំងហ្វេសប៊ុកនិងតិកតុកគឺមានបេក្ខភាព បវរកញ្ញាMiss Universe Cambodia 2022 ម្នាក់មានប្តីហើយមកប្រឡងទៀតដល់ថ្នាក់ប្តីទ្រាំមិនបានមកតាមផ្អើលពេញរោងកម្មវិធី។
វិឌីអូមួយត្រូវគេយកមកបង្ហោះចែកចាយគ្នា បានធ្វើការជូនដំណឹងឱ្យដឹងថា មានបវរកញ្ញាMiss Universe Cambodia 2022 មានរូសម្រស់ស្រស់ស្អាតម្នាក់ការពិតមានប្តីលាក់បាំងបែរជាចូលរួមមកប្រឡងទៀតដល់ថ្នាក់បុរសជាប្តីតាមដល់កន្លែងកម្មវិធីប្រកួតក្នុងស្ថានីយទូរទស្សន៍បាយ័ន កាលពីថ្ងៃទី១០ ខែមិថុនា ឆ្នាំ២០២២ ពេលកំពុងហាត់សម។
ស្ត្រីដែលរត់គេចពីបុរសម្នាក់ដែលមកតាមដោយអះអាងថា ប្តីលាក់បាំងលួចមកប្រឡងមកនោះ ត្រូវបានគេស្គាល់ថា បេក្ខភាពលេខរៀងទី៧ មានឈ្មោះថា សុគន្ធ ចរិយា ដែលមានរូបសម្រស់ស្រស់ស្អាត សម្បុរស ភ្នែកតឹង ដូចកូនកាត់ចិន។
អ្វីដែលមិននឹកស្មាននោះ បេក្ខភាពនារីរូបនេះ ត្រូវបានបុរសជាប្តីមកតាមកន្លែងការប្រកួតកាលពីថ្ងៃទី០៨ ខែមិថុនា ដោយបានអះអាងជាប្តីហើយ មកតាមចាប់ដោយមិនចង់ឱ្យចូលរួមប្រកួតឡើយ ដោយក្នុងវិឌីអូ មានសកម្មភាពរត់ចុះឡើង ដោយបុរសដែលអះអាងថា ប្តីនោះ ចោទប្រកាន់បវរកញ្ញាស្រីរូបនេះ ជាអ្នកធ្វើប្តីខ្លួនឯង ដោយរួមដៃជាប្រុសថ្មី ដែលមានតួនាទីប៉ូលីស ហើយគេប្រពន្ធរួចហើយ បែរជាបេក្ខភាពបវរកញ្ញារូបនេះ ទំនាក់ទំនងគ្នារហូតប្តីខ្លួនឯងតាមទាន់និងដឹងមករករឿងដល់កន្លែងការប្រកួតទៀតហើយ។
ប៉ុន្តែទោះបីជាយ៉ាងណាក៏ដោយ ករណីចោទប្រកាន់បវរកញ្ញា សុគន្ធ ចរិយា បេក្ខភាពប្រលង Miss Universe Cambodia 2022 ថាមានប្តីនិងធ្វើស៊ីប្តីខ្លួនបោះបង់គ្នារួចធ្វើជាក្រមុំម្តងមកប្រឡងបវរកញ្ញានោះ គឺមិនត្រូវបានអះអាងបញ្ជាក់និងបកស្រាយពីសាមីខ្លួននៅឡើយទេ។
សារព័ត៌មានយើងខ្ញុំនៅមិនទាន់អាច់ទំនាក់ទំនងទៅកាន់លោក ម៉េន អមរ៉ុងរ័ត្ន នាយកប្រតិបត្តិរៀបចំកម្មវិធី Miss Universe Cambodia 2022 ដើម្បីបកស្រាយចំពោះការជ្រើសរើសបេក្ខភាពមកប្រឡងនោះបាននៅឡើយ។
ជាមួយគ្នានោះ មហាជននិងអ្នកគាំទ្រវិស័យបវរកញ្ញានៅកម្ពុជាក៏អំពាវនាវដល់អ្នករៀបចំកម្មវិធីនិងបវរកញ្ញា សូមឱ្យមានភាពស្មោះត្រង់ក្នុងការបកស្រាយនិងលាតត្រដាងចំពោះការចោទប្រកាន់នេះ ព្រោះនេះជ្រើសរើសបវរកញ្ញាតំណាងប្រទេស សម្រាប់មហាជន តែបែរជាលាក់បាំងបេក្ខភាពគ្នាមានប្តីលែងមិនទាន់ដាច់ផង ចូលរួមប្រកួតបោកប្រាស់មហាជនទៅវិញ៕
អត្ថបទដោយ Renno រូបភាព Facebook
Discussion about this post