បេក្ខជន សារុំ បញ្ញាស័ក្ត ទទួលបានជ័យលាភីគ្រងម្ចាស់ពានរង្វាន់ The Voice Kids Cambodia រដូវកាលទីបីហើយ (មានវិឌីអូ)

ភ្នំពេញ៖ ពិតជាអស្ចារ្យមែន កាលយប់ថ្ងៃទី២៤ ខែធ្នូ ឆ្នាំ២០២២ The Voice Kids Cambodia បានឈានដល់វគ្គបញ្ចប់ហើយ ដោយសល់បេក្ខភាពកុមារា កុមារី ៦នាក់ ដោយមាន បេក្ខនារី ម៉ូញ សៀវវិនថិច បេក្ខជន គុំ​ ចាន់តារា បេក្ខនារី ហ៊ាង​ មួយគាង​ បេក្ខជន សារុំ​ បញ្ញាស័ក្ត បេក្ខនារី ពៅ​ ស្រីនិត និង បេក្ខនារី រ៉ន​ ណាវី ។

ក្រោយបញ្ចប់ការសាកល្បងប្រកួតចុងក្រោយឡើងច្រៀងជាមួយគ្រូបង្វឹករបស់ពួកគេអ្នកនាង ឧក សុគន្ធកញ្ញា, អ្នកនាង សុគន្ធ នីសា និងលោក ហ្សូណូ ហើយគឺដល់វគ្គចុងក្រោយនៃការប្រកាសលទ្ធផល ដោយពិធីករពិធីការិនី បានប្រកាសថា បានជ័យលាភីទៅលើ បេក្ខជន សារុំ បញ្ញាស័ក្ត ក្លាយជា ម្ចាស់ពានរង្វាន់ The Voice Kids Cambodia រដូវកាលទីបី ឆ្នាំ២០២២នេះ។

សូមបញ្ជាក់ផងដែរថា បេក្ខជន សារុំ បញ្ញាស័ក្ត គឺត្រូវបានតារាចម្រៀង ហ្សូណូ ជាពេញចិត្តនិងរើសជាកូនក្រុមដែលបានជម្រុញបង្ហាត់បង្រៀនបន្ថែម ក្នុងការច្រៀងនៅលើឆាកប្រកួតមួយនេះរហូតដល់ថ្ងៃប្រកួតចុងក្រោយ ដោយច្រៀងរួមគ្នា បង្ហាញសមត្ថភាពទៅកាន់មហាជនសម្រាប់ការបោះឆ្នោត ហើយក៏ទទួលបានលទ្ធផលក្លាយជាអ្នកគ្រងពានពិតប្រាកដមែន៕

(សូមចុចទស្សនាវិឌីអូ) https://t.me/breakingnewsnetwork/278

អត្ថបទដោយ Renno រូបភាព Facebook