ភ្នំពេញ៖ មិនមែន២ពាន់, ឬ ២ម៉ឺនទេ..! គឺចំនួន២លានដុល្លារជាចំនួនទឹកប្រាក់ច្រើនសន្ធឹកលោកឧត្ដមសេនីយ៍ទោ គង់ វុទ្ធី បានបោកជនរងគ្រោះដោយស៊ីដាច់ក្នុងថ្នូរនឹងរត់ការឱ្យចូលសញ្ជាតិខ្មែរ ប៉ុន្តែរត់ការមិនសម្រេច ហើយជនរងគ្រោះកំពុងទាមទារលុយវិញនិងយុត្តិធម៌។
ដំណឹងនៃការបែកធ្លាយកើតឡើង ក្រោយលោក ផែង វណ្ណៈ ទទួលបានដណ្តឹងរបស់ជនរងគ្រោះហើយលោកបានផ្សាយលើទំព័រសារព័ត៌មានរបស់លោក នាថ្ងៃទី២៨ ខែតុលា ឆ្នាំ២០២៥ ដោយបញ្ជាក់ថា “លោកឧត្ដមសេនីយ៍ទោ គង់ វុទ្ធី អគ្គនាយករង នៃ អគ្គនាយកដ្ឋាន អត្តសញ្ញាណកម្ម បានទទួលប្រាក់ចំនួន ២លានដុល្លារ ដេីម្បីរត់ការចូលសញ្ជាតិអោយជនបរទេស ។ ប៉ុន្តែ ចាប់តាំងពីលោកឧត្ដមសេនីយ៍ទោ គង់ វុទ្ធី ទទួលបានលុយពីជនរងគ្រោះហើយ មានរយះពេលជាង ១ឆ្នាំហើយ លោកមិនបានធ្វើការអោយជនរងគ្រោះបានសម្រេចទេ ហេីយលុយ ២លានដុល្លារ ក៏មិនព្រមប្រគល់ជូនជនរងគ្រោះវិញដែរ” ។
លោក ផែង វណ្ណៈ ចាងហ្វាយសារព័ត៌មាន PVN News បានបង្ហោះសារថា
“ការប្រេីប្រាស់តួនាទី បុណ្យស័ក្តិអួតអាង ដេីម្បីបោកប្រាស់ជនបរទេសមានច្រេីនករណីណាស់ ហេីយក៏មានអស់តួនាទី បុណ្យស័ក្តិរហូតជាប់គុកជាហូរហែរដែរ ។ ប៉ុន្តែបុគ្គលខូចនៅតែខូច ។ ចាំមេីលករណីនេះ តេី ឧត្ដមសេនីយ៍ទោ គង់ វុទ្ធី អគ្គនាយករងអត្តសញ្ញាណកម្ម មានវាសនាបែបណា ?”
ចំពោះករណីនេះ មហាជនកំពុងរងចាំចំណាត់ការរបស់ក្រសួងមហាផ្ទៃ និងសាម៉ីខ្លួនចេញបកស្រាយបែប ចំពោះការចោទប្រកាន់ លោកឧត្ដមសេនីយ៍ទោ គង់ វុទ្ធី អគ្គនាយករង នៃ អគ្គនាយកដ្ឋាន អត្តសញ្ញាណកម្ម បានស៊ីដាច់ប្រាក់ចំនួន ២លានដុល្លារ ហើយរត់ការចូលសញ្ជាតិអោយជនបរទេសមិនបានសម្រេច៕
Discussion about this post