ជាទឹកប្រទ័យដ៏ល្អក្នុងការធ្វើបុណ្យ! “សូហ្វីតែល” ប្រគេនកម្រាលព្រុំយ៉ាងច្រើនជូនវត្ត “គល់ទទឹង”

ភ្នំពេញ៖ ជាទឹកប្រទ័យដ៏ល្អក្នុងការធ្វើបុណ្យ និងគិតគូរគាំទ្រវិស័យព្រះពុទ្ធសាសនា សណ្ឋគារលំដាប់ថ្នាក់លេខ១នៅកម្ពុជាគឺ “សូហ្វីតែល” គ្រាន់តែនឹកសង្ឃដីការព្រះគ្រូ គូ សុភាព ក៏សម្រេចចិត្តធ្វើរឿងល្អមួយភ្លាមដោយ បានយកកម្រាលព្រុំប្រគល់ជូនដល់វត្ត “គល់និគ្រោធវ័ន” ហៅ “វត្តគល់ទទឹង” ដែលស្ថិតក្នុងខេត្តកណ្តាល មិនរង់ចាំបង្អង់យូរឡើយ។

កាលពីរសៀលថ្ងៃទី២៧ ខែកញ្ញា ឆ្នាំ២០២១ សណ្ឋាគារសូហ្វីតែលភ្នំពេញបាននាំយកទ័យវត្ថុជាកម្រាលដែលគុណខ្ពស់ជាង១ពាន់ម៉ែត្រការ៉េ ធ្វើការប្រគេនជូនដល់វត្ត “គល់និគ្រោធវ័ន” ហៅ “វត្តគល់ទទឹង” ដោយមានវត្តលោកនាយកគ្រប់គ្រងលោក Charles-Henri CHEVET រួមជាមួយបុគ្គលិកធ្វើការប្រគេនកម្រាលព្រុំប្រគេនដល់ព្រះគ្រូ គូ សុភាព គ្រូសូត្រស្តាំនៃវត្ត “គល់និគ្រោធវ័ន” ហៅ “វត្តគល់ទទឹង”។

លោក Charles-Henri CHEVET នាយកគ្រប់គ្រងសណ្ឋាគារសូហ្វីតែលបានថ្លែងឱ្យដឹងថា ការនាំយកកម្រាលព្រុំលើកនេះ ប្រគេនដល់វត្តលើកនេះសម្រាប់ព្រះគ្រូ គូ សុភាព ក្នុងការយកទៅរៀបចំក្រាលក្នុងព្រះវិហារ ឬ សម្រាប់ទទួលភ្ញៀវដែលជាប្រជាពលរដ្ឋក្នុងសហគមន៍ និង ពុទ្ធបរិសទ ប្រើប្រាស់ក្នុងពិធីបុណ្យផ្សេងៗ។ ការក្នុងប្រគេនដល់កម្រាលព្រុំនេះ ជាសកម្មភាពមួយក្នុងគាំទ្រដល់វិស័យព្រះពុទ្ធសាសនានៅកម្ពុជា ទទួលបានភាពល្អប្រសើរទៅមុខជានិច្ច។

នាយកគ្រប់គ្រងរូបនេះលោកក៏បាននិយាយទៀត គំនិតយកកម្រាលព្រុំជាង១ពាន់ម៉ែត្រការ៉េនេះមកប្រគេនដល់វត្ត “គល់ទទឹង” ក៏ជាគំនិតផ្តួចផ្តើមរបស់លោកបណ្ឌិត ស៊ុបពើឆ៉ៃ វីរៈពូជុង នាយកប្រតិបត្តិផងដែរក្នុងការគោរពពុទ្ធឱវាទ និងស្រលាញ់ពេញចិត្តដល់វត្ត “គល់និគ្រោធវ័ន” ហៅ “វត្តគល់ទទឹង” ។ ជាមួយគ្នានោះ សណ្ឋាគារសូហ្វីតែល នឹងបន្តគាំទ្រដល់វិស័យព្រះពុទ្ធសាសនា និង ជាពិសេសនៅបន្តធ្វើបុណ្យនៅវត្តនេះទៀតនាងពេលក្រោយ។

ព្រះគ្រូ គូ សុភាព ក៏បានមានពុទ្ធដីកាផងដែរថា តំណាងដល់ព្រះចៅអធិការវត្តនិងព្រះសង្ឃទាំងអស់នៃ“គល់និគ្រោធវ័ន” ហៅ “វត្តគល់ទទឹង” ព្រះអង្គក៏អគុណដលលោកបណ្ឌិត ស៊ុបពើឆ៉ៃ វីរៈពូជុង និង លោក Charles-Henri CHEVET នៃសណ្ឋាគារសូហ្វីតែល មានទឹកប្រទ័យជ្រះថ្លាក្នុងធ្វើបុណ្យដោយយកកម្រាលព្រុំដែលជាវត្ថុនៃក៏ត្រូវការចំបាច់សម្រាប់រៀបចំដាក់ប្រើប្រាស់ក្នុងវិហារ។ ព្រះអង្គក៏មានសង្ឃដីការថា សូមបុណ្យនេះ ជូនជាផលល្អសម្រាប់លោកទាំងពីរនិងបុគ្គលិកទាំងអស់សណ្ឋាគារសូហ្វីតែល ទទួលបានពុទ្ធពរទាំង៤ប្រការ៕