ស្អាតណាស់ម្ចាស់ថ្លៃអើយ នារីកាន់ស្លាកតំណាងកម្ពុជា ក្នុងពិធីបើកព្រឹត្តិការណ៍ Para Sea Game 2023 ពិតជាស្រស់ស្អាតដូចទេពធីតា, ស្គាល់ហើយថា នាងជានរណា?

តារាស្រីកំពុងមានប្រជាប្រិយភាព និងជានាថការនីរបាំបុរាណ កញ្ញា សុគា គីមលាង ហៅ Kon Ant បានសាងភាពភ្ញាក់ផ្អើលដល់ហ្វេនជាខ្លាំង ក្រោយនាងលេចវត្តមានដើរ ក្នុងពិធីបើកអាស៊ានប៉ារ៉ាហ្គេមលើកទី១២ (12th ASEAN Para Games) ដែលប្រព្រឹត្តិឡើងនៅថ្ងៃទី៣ ខែមិថុនា ឆ្នាំ២០២៣។

នេះមិនមែនជាលើកទី១ដែល Kon Ant សាងភាពភ្ញាក់ផ្អើលឱ្យគ្រប់គ្នានោះទេ គេនៅចាំបានថា សោភារូបស្រស់នេះបានធ្វើឱ្យគ្រប់គ្នាចំហរមាត់ពេលឃើញនាងសម្តែងជាតួអង្គព្រះថោង ជាមួយតួអង្គនាងនាគ សម្តែងដោយនាថការនី ច័ន្ទ ស្រីល័ក្ខ ក្នុងព្រឹត្តិការណ៍បើកស៊ីហ្គេម កាលពីថ្ងៃទី៥ ខែឧសភា ឆ្នាំ២០២៣កន្លងទៅនេះ។

ក្រោយសម្តែងក្នុងព្រឹត្តិការណ៍ប្រវត្តិសាស្ត្រនេះ Kon Ant មានគេស្គាល់កាន់តែច្រើនឡើង ធ្វើឱ្យកាន់តែមានសន្ទុះក្នុងរង្វង់សិល្បៈ។ឆ្លៀតឱកាសនេះ នាថការនីរបាំបុរាណដ៏ប៉ិនប្រសព្វនេះក៏បានបង្ហាញអារម្មណ៍មោទកភាពដែលមានឱកាសបានចូលរួមសម្តែងក្នុងព្រឹត្តិការណ៍ប្រវត្តិសាស្ត្រដែលកម្ពុជាធ្វើជាម្ចាស់ផ្ទះព្រឹត្តិការណ៍ស៊ីហ្គេមលើកទី៣២(32nd SEA Games) ។