តារាសម្តែង ម៉ឺនឯក សុភារិទ្ធ ឆ្លើយបែបនេះទៅវិញ…ក្រោយសង្ស័យកែសម្ផស្សមានមុខមាត់ជាមនុស្សថ្មី, ដើម្បី.. ឈ្នះម្គុដ Mister Supranational Cambodia 2025 (មានវិឌីអូកិច្ចសំភាសន៍)

ភ្នំពេញ៖ តារាសម្តែងសាច់ដុំកង់ៗ រូបសង្ហារ ម៉ឺនឯក សុភារិទ្ធ ដែលមហាជនបានស្គាល់ហើយតាមរយៈស្នាដៃក្នុងរឿងភាគជាច្រើនតាមស្ថានីយទូរទស្សន៍ ហើយពេលនេះ តារាប្រុសរូបនេះបាននិយាយអះអាងបែបនេះ ក្រោយជាប់ជាបេក្ខភាពផ្លូវការមកប្រកួតប្រជែងក្នុងកម្មវិធីបុរសឯកឆ្នាំ២០២៥ Mister Supranational Cambodia 2025 របស់អ្នកដឹកនាំលោក AB Vanna ។

អ្វីដែលកត់សម្គាល់នោះលោក ម៉ឺនឯក សុភារិទ្ធ ជាតារាសម្តែងប្រុសរូបសង្ហារ មានប្រជាប្រិយភាពល្បី និង កេរ្តិ៍ឈ្មោះជាយូរឆ្នាំមកហើយ បែរជាសុខៗបង្ហាញខ្លួនមកដាក់ពាក្យស្នើរសុំចូលរួមប្រកួតក្នុងកម្មវិធី Mister Supranational Cambodia 2025 ហើយគណៈកម្មការជាច្រើនបានវាយឱ្យជាប់តាំងពីវគ្គជម្រុះរូបថត រហូតដល់សំភាសន៍ជាប់ជាផ្លូវការ ដែលបានធ្វើឱ្យមហាជននិងអ្នកគាំទ្រក្នុងវិស័យបុរសឯក កញ្ញាឯក មានការចាប់អារម្មណ៍ជាច្រើនខ្លាំង រហូតចោទជាសំនួរនិងការបញ្ចេញមតិ លើកឡើងថា “ល្បីស្រាប់ហើយនៅមកប្រជែងជាមួយក្មេងជំនាន់ក្រោយទៀត” ដែលចំណុចនេះ បានធ្វើឱ្យអ្នកគាំទ្រខំតាមដានលើរូបលោក។

នៅចំណុចពិសេសនោះទៀត ក៏មានមតិមហាជនបានឡើងនិងមើលឃើញថា លោក ម៉ឺនឯក សុភារិទ្ធ មានមុខមាត់ខុសប្លែក ខុសពីមុន ស្ទើរតែផ្លាស់ប្តូរទម្រង់មុខ មិនដូចទម្រង់មុខសម្តែងក្នុងរឿងនោះឡើយ ដូចជាមនុស្សពីរផ្សេងគ្នា ហើយក៏មានមតិចោទថា លោកទំនងជា កែសម្ផស្សឱ្យស្គមជាមុន ឃើញមុខថ្មីប្លែក ហើយទើបបានជា មកប្រឡង ក្នុងកម្មវិធី Mister Supranational Cambodia 2025 ហើយហ៊ានអះអាងថា នឹងឈ្នះម្គុដលេខ១បុរសឯក ក្នុងកម្មវិធី Mister Supranational Cambodia 2025 ថែមទៀត ដែលធ្វើឱ្យមហាជនកាន់តែចាប់អារម្មណ៍លើរូបបន្ថែមទៀត។

ប៉ុន្តែលោកបានបកស្រាយបញ្ជាក់ថា រូបលោកបានខំហ្វឹកហាត់ប្រាណជាប្រចាំស្ទើរតែពេញមួយឆ្នាំមកនេះ ហើយលោកក៏មិនបានប្រើប្រាស់ថ្នាំសម្រករាង ឬ ទៅកែសម្ភស្ស បូមខ្លាញ់ អ្វីដែរ។ លោកគឺដាច់ខាត មិនជ្រើសរើយការសម្ភស្សដើម្បីមកប្រលងឡើយ។ រូបលោក មកប្រឡងលើកនេះ គោលបំណងដើម្បីចង់ក្លាយបេក្ខភាពតំណាងប្រទេសជាតិមួយរូបដើម្បីចេញបង្ហាញនៅលើឆាកអន្តរជាតិ គឺមិនមែនមក ប្រឡងដើម្បីគ្រាន់តែចង់បានប្រជាប្រិយភាពនោះទេ ព្រោះរូបលោកចង់បំពេញក្តីស្រម៉ៃរបស់លោក។ លោកមានការតាំងចិត្តយ៉ាងខ្ពស់ក្នុងដណ្តើមយកជ័យលាភី។លោក ម៉ឺនឯក សុភារិទ្ធ ស្នើរសុំដល់អ្នកគាំទ្រនិងមហាជន មេត្តាបន្តគាំទ្រនិងលើកទឹកចិត្តដល់សម្រាប់ដំណើរឆ្ពោះទៅការប្រលង Mister Supranational Cambodia 2025៕

កិច្ចសំភាសន៍ដោយផ្ទាល់ សូមទស្សនា៖