“សន្តិភាព ជាមួយកម្ពុជា ដល់ទីបញ្ចប់ហើយ” នេះជាសម្តីរបស់លោក អនុទីន នាយករដ្ឋមន្ត្រីថៃថ្លែងមុខសារព័ត៌មាន

នាយករដ្ឋមន្ត្រីថៃ លោក Anutin Charnvirakul បានប្រកាស ដោយស្លៀកពាក់ឯកសណ្ឋានយោធាថៃ នៅយប់ថ្ងៃទី១១ វិច្ឆិកា ២០២៥នេះថា សន្តិភាព បានដើរដល់ទីបញ្ចប់ហើយ លោកក៏លែងអើពើជាមួយនឹងភាគីកម្ពុជា បន្តទៀតដែរ លោកបានហែកចោលនូវ សេចក្តីប្រកាសចំនួន ៤ចំណុចចោល ដោយលោកក៏ព្រងើយកន្តើយនឹងសំណើរបស់លោកប្រធានាធិបតីសហរដ្ឋអាម៉េរិក Donald Trump ផងដែរ។

លោកបានសង្កត់ធ្ងន់ថា ក្នុងនាមថៃ គឺជាប្រទេសប្រជាធិបតេយ្យមួយ លោកមិនចាំបាច់រាយការណ៍ទៅកាន់នរណាម្នាក់ទៀតឡើយ ចាប់ពីពេលនេះតទៅ លោកនឹងធ្វើអ្វីដែលមានប្រយោជន៍សម្រាប់ប្រទេសថៃតែប៉ុណ្ណោះ លោកកំពុងផ្តល់ការគាំទ្រយ៉ាងខ្លាំងក្លាទៅដល់កងទ័ពថៃ ដែលឈរជើងគ្រប់សមរភូមិ៕