កក្រើកសង្វៀន អ្នកចម្បាំង DAZZ ជុន រឿងសារ៉ូត និង ពេជ្យ សូដាច័ន្ទ ដណ្តើមពានចុងក្រោយ វាយមិនដកដៃឡើយ (មានវិឌីអូប្រកួតពេញ)

ភ្នំពេញ៖ ពិតជាអស្ចារ្យមែនសម្រាប់សង្វៀនគុនខ្មែររបស់ស្ថានីយទូរទស្សន៍លេខ៥បានឈានដល់រកឃើញជើងខ្លាំងចុងក្រោយ ពានរង្វាន់អ្នកចម្បាំង DAZZ ចំនួន២រូបចុងក្រោយ ក្រោយសម្រិតសម្រាំងអស់ជាច្រើនសប្តាហ៍មកហើយ។

កាលពីថ្ងៃទី២៣ ខែវិច្ឆិកា ឆ្នាំ២០២៥ កីឡាករ ជុន រឿងសារ៉ូត និង ពេជ្យ សូដាច័ន្ទ សម្រេចចុងក្រោយឡើងដល់វគ្គផ្តាច់ព្រ័ត្រ ដោយប្រើពេលមួយល្ងាចវាយបំបាក់ដៃគូរចុងក្រោយរបស់ខ្លួនរៀងខ្លួនៗ រហូតបានជួបគ្នា។

សម្រាប់ការប្រកួតបីទឹករបស់ ជុន រឿងសារ៉ូត និង ពេជ្យ សូដាច័ន្ទ ពិតជាធ្វើឱ្យកក្រើកសង្វៀន TV5 KUN KHMER អ្នកចម្បាំង DAZZ ដោយទឹក១ និងទឹក២ ជុន រឿងសារ៉ូត ធ្វើបានល្អ អាចទប់ទល់បាន ប៉ុន្តែដល់ទឹក៣ បែរជារៀងខ្សោយកម្លាំង បណ្តាលឱ្យ ពេជ្យ សូដាច័ន្ទ បំបុកកែវហោះជាច្រើនលើកមានពិន្ទុច្រើនជាង។

សម្រេចចិត្តក្រោយ លទ្ធផលជ័យជម្នះបានទៅលើ ពេជ្យ សូដាច័ន្ទ ទទួលបានពានរង្វាន់ អ្នកចម្បាំង DAZZ TV5 KUN KHMER ឆ្នាំ២០២៥។

សូមទស្សនាវិឌីអូប្រកួតពេញ៖