គាត់ចេញមកបកស្រាយថា ភ្ញៀវពេញចិត្តអោយគាត់ទេ! ចំណតឡាន១៥០០០រៀល ហ្នឹងគឺភ្ញៀវព្រមព្រៀង, ហើយមិនពាក់ព័ន្ធនឹងសាលាខណ្ឌដូនពេញនិងមន្ទីរពេទ្យអង្គឌួង, គាត់បកស្រាយអញ្ចឹង សមអត់? បងប្អូន

ភ្នំពេញ ៖ រដ្ឋបាលខណ្ឌដូនពេញ នៅរសៀលថ្ងៃទី១៣ ខែមិថុនា ឆ្នាំ២០២៣ បានអញ្ជើញបុរសម្នាក់ អោយចូលខ្លួនបកស្រាយករណីយកថ្លៃផ្ញើរថយន្ត០១គ្រឿង ចំនួន១៥,០០០រៀល នៅក្បែររបងមន្ទីរពេទ្យព្រះអង្គឌួង ។

សូមជម្រាបថា គណនីហ្វេសប៊ុកឈ្មោះ Leang Piseth បានបង្ហោះរូបភាព អមដោយសារថា ៖ «បងប្អូនប្រយ័ត្ន បងប្រុសម្នាក់នេះ(ដូចក្នុងរូបភាព) ធ្វើស៊ីដូចខ្ញុំ បក់ដៃហៅឡាន អោយចត នៅចំហៀងមន្ទីរពេទ្យព្រះអង្គដួង ខ្ញុំទៅពិនិត្យភ្នែក រួចរាលចុះមកវិញ គាត់ទារលុយខ្ញុំ ១៥,០០០រៀល។ ខ្ញុំព្យាយាមសុំ អោយតែ១០,០០០រៀល តែគាត់និយាយថាមិនបានទេ។ គាត់អោយគេចត តែកង់បី ក៏បាន ១៥,០០០រៀលដែរ។ ពេលខ្ញុំត.ថ្លៃ គាត់មិនបាន ក៏ខ្ញុំអោយគាត់សរសេរតំលៃ នៅលើក្រដាស់ បញ្ជាក់តំលៃហ្នឹងទៅ បងម្នាក់នេះ គាត់មានក្រុមការងារគាត់ច្រើនគ្នាណាស់ នៅផ្លូវចំហៀង មន្ទីរពេទ្យព្រះអង្គដួង មិនដឹងថា លុយយក ១៥,០០០រៀល ចូលថវិកាជាតិ បានប៉ុន្មានទេ» ។

បើតាមវីដេអូបកស្រាយ បុរសរូបនេះអះអាងថា ទីតាំងដែលយកថ្លៃផ្ញើនេះ មិនជាប់ពាក់ព័ន្ធនឹងរដ្ឋបាលខណ្ឌដូនពេញ ក៏ដូចមន្ទីរពេទ្យព្រះអង្គឌួង ទេ! ក្រោយស្តាប់ហើយ មហាជនមានការប្រតិកម្ម មិនអាចទទួលការបកស្រាយបែបនេះ ដោយមិនសមហេតុផលឡើយ។ ប្រសិនបើភ្ញៀវមកចតឡាននៅទីនោះ គេពេញចិត្តនឹងជូនហេតុអ្វីគេ បង្ហោះរូបភាពនិងសារប្រតិកម្មមិនពេញចិត្តនោះ។ ចំពោះការបកស្រាយនេះ ហាក់បីដូចជាមិនសមហេតុផល និងហាក់បីដូចជាមានចេតនាលាក់បាំងអ្វីមួយ។

ក្រោយពីមហាជនស្តាប់ហើយ បានលើកឡើងថា តើបុគ្គលនេះជានរណា ? ហេតុអ្វីហ៊ានយកទីសាធារណៈ មករកស៊ី ? សូមលោកអភិបាលខណ្ឌដូនពេញ មានវិធានការផង ដើម្បីជាមេរៀនសម្រាប់អ្នកក្រោយ ៕

ករណីនេះ សាម៉ីខ្លួន បានចេញមុខបកស្រាយ នៅក្នុងវីដេអូ មានដូចខាងក្រោម ៖