ដឹងមូលហេតុឃាតករទាញកាំភ្លើងបាញ់សម្លាប់ បងស្រីថ្លៃ និងបងស្រីជីដូនមួយឱ្យស្លាប់ទាំំងពីរនាក់ភ្លាមៗយ៉ាងសាហាវព្រៃផ្សៃបែបនេះ (ចុចអានព័ត៌មានលម្អិត)

(ខេត្តកំពត) ៖ ករណីឃាតកម្មបាញ់សំលាប់បងស្រីថ្លៃ និងបងស្រីជីដូនមួយ ដែលជាសមាជិកក្រុមគ្រួសាររបស់ខ្លួនឱ្យស្លាប់២នាក់ភ្លាមៗនៅស្រុកអង្គរជ័យ ខេត្តកំពត គឺដឹងមូលហេតុច្បាស់លាស់ហើយក្រោយពីសមត្ថកិច្ចបានឃាត់ខ្លួនបានសម្រេច។

លោកឧត្តមសេនីយ៍ ស្នងការ ប៉ូលិស ខេត្តកំពត បានឲ្យដឹងថា អំពើឃាតកម្ម ផ្តើមចេញពីគំនុំ បា..ញ់បងស្រីថ្លៃ និងបងស្រីជីដូនមួយ ស្លា..ប់ ២នាក់ រួចខ្មាន់កាំភ្លើងបា..ញ់ខ្លួនឯង តាមក្រោយ តែមិនស្លាប់ វេលាម៉ោង ១០ព្រឹក ថ្ងៃទី២៧ ខែមេសា ឆ្នាំ២០២៣ ស្ថិតក្នុងភូមិប្រាល ឃុំតានី ស្រុកអង្គរជ័យ ខេត្តកំពត ។

លោកស្នងការខេត្តកំពតបានបញ្ជាក់ថា មូលហេតុ កើតឡើង ដោយជនសង្ស័យ មានគំនុំខឹងនឹងបងជីដូនមួយ និងបងថ្លៃ ហើយជនសង្ស័យ ជាមុខសញ្ញា ដែលប្រើប្រាស់ គ្រឿងញៀន។

ជនសង្ស័យ មានឈ្មោះ ឡាយ សំអាត ហៅចែម អាយុ ៣៩ឆ្នាំ មានទីលំនៅ ភូមិ-ឃុំកើតហេតុ បានធ្វើសកម្មភាព បា..ញ់ទៅលើបងថ្លៃ និងបងជីដូនមួយ របស់ខ្លួន ដោយប្រើប្រាស់ អាវុធម៉ាក RPK គ្រាប់AK ជាច្រើនគ្រាប់ បន្ទាប់មកបានបា..ញ់ខ្លួនឯង ចំនួន ០១ គ្រាប់ ចំដើមទ្រូង របួសធ្ងន់ បច្ចុប្បន្ន កំពុងសង្គ្រោះ នៅមន្ទីរពេទ្យបង្អែកខេត្តកំពត។

ជនរងគ្រោះទី១-ឈ្មោះ នួន សុខា ភេទស្រី អាយុ ៤២ឆ្នាំ មុខរបរគ្រូបង្រៀន មានទីលំនៅ ភូមិ-ឃុំកើតហេតុ ត្រូវជាបងជីដូនមួយ ជនសង្ស័យ ស្លា..ប់នៅនឹងកន្លែងកើតហេតុ ។

ជនរងគ្រោះទី២-ឈ្មោះ អៀង ស៊ុន ភេទស្រី អាយុ ៤៧ឆ្នាំ មុខរបរកសិករ មានទីលំនៅ ភូមិ-ឃុំកើតហេតុ ត្រូវជា បងថ្លៃជនសង្ស័យ ស្លា..ប់ពេលបញ្ជូន តាមរថយន្តសង្គ្រោះ ទៅមន្ទីរពេទ្យ។

ក្រោយសមត្ថកិច្ចធ្វើការឃាត់ខ្លួនបានសម្រេចនិងសួរនាំរួចហើយ បានធ្វើការកសាងសំណុំរឿងដើម្បីត្រៀមចាត់ការបន្តតាមផ្លូវច្បាប់ចំពោះជនល្មើសបាញ់សម្លាប់សមាជិកបងប្អូនរបស់ខ្លួនយ៉ាងព្រៃផ្សៃបែបនេះ៕

របាយការណ៍សមត្ថកិច្ច